X

Print

LATEST NEWS

එරන්ද වැලිඅංගේට එජාප ආසන සංවිධායක ධූරයක් පළමු ටෙස්ට් තරග‌යේ ‌ ජය ශ්‍රී ලංකාවට ඉන්ධන මිළ අද වෙනස් වෙයි ? මහින්දගේ මන්ත්‍රීධූරය අහෝසි කරයි ? පක්ෂයේ විනය උල්ලංඝණය කරන අයට එරෙහිව විනය පියවර ගන්නවා - මහ ලේකම් දයාසිරි ජයසේකර ඩිලාන් පෙරේරා පොහොට්ටුවට පොහොට්ටුවේ ජනාධිපති අපේක්ෂකයා ගෝඨා එජාප මන්ත්‍රීන් කණ්ඩායම් දෙකක් දෙතැනකදී රැස්වෙයි මහනුවර ශ්‍රී දළඳා මාලිගාවේ තෙවන කුඔල් පෙරහර සජීව විකාශය (Live ) ශාන්ත බණ්ඩාර ඉල්ලා අස් වෙයි මුස්ලිම් පල්ලිවල තිබී භාරයට ගැණුණු පොරව සහ මන්නා පිහි තොගයක් නැවත බාරදීමට සැරසුන පොලිස් ස්ථානාධිපතිට වැඩ වරදී රනිල්-සජිත් රහස් හමුවක් ඉන්දියාවේ හිටපු විදේශ ඇමතිනී සුෂ්මා ස්වරාජ් මියයයි මෛත්‍රී - මහින්ද විශේෂ හමුවක් කුරුණෑගල දිස්ත්‍රික් පාර්ලිමේන්තු මන්ත්‍රී සාලින්ද දිසානායක අභාවප්‍රාප්ත වෙයි

 

 

 

ගුණදාස කපුගේ ගැන අපි නොදන්න කතාවක්


Views - 9464 |Friday 14th July 2017 19:00:27


නින්ද නැති රැයේ සඳ කඳුළු මීදුමේ
හැංගිලා අඬන්නෙ ඇයිද ප්‍රථම ප්‍රේමයේ…

ගුණදාස කපුගේ ශූරීන් ගයන මෙම අමරණීය ගීතය අසා නොමැති කෙනෙක් නැති තරම්. අදත් විරහ ගී අතර පලමු තැන රැදෙන ගීතයක් .. රත්න ශ්‍රී විජේසිංහ නැමැති සොදුරු ගීත රචකයා අතින් බිහිවූ අති විශිෂ්ඨ ගීත කැටයමක් වන මෙය පලමු වර පටිගත කරන ලද්දේ 1976 දී පමණ. එය දැන් ඔබ ගුවන්විදුලියෙන් සවන්දෙන 'නින්ද නැති රැයේ' ගීතයට වඩා වෙනත් තනුවක් තිබූ ගීතයක්. .මෙම ගීතය ගුණදාස කපුගේ මහතා සරල ගී වැඩසටහනක තමා ගායනා කරල තිබුනෙ.නමුත් ඒ තනුව සහිත ගීතය එතරම් ජනප්‍රියත්වයක් ලබාගත්තෙ නෑ ,

පලමු පටිගත කිරීමෙන්ම ගීතය ඉවත් උණා .. මෙම ගීතයේ අරුත් පුන් ස්වභාවය නිසා මෙම ගීතයට හා රත්න ශ්‍රී විජේසිංහයන්ට සාදාරනයක් ඉටුකිරීම සදහා ගුණදාස කපුගේ ශූරීන්ම තනු නිර්මාණය කරමින් 'නින්ද නැති රැයේ ' ගීතය නැවතවරක් 1985 දී සිංග්ලංකා කැසට් පටයක් වන ' මාවතේ ගීතය ' වෙනුවෙන් පටිගත කරනු ලැබුවා.එම ගීතය පටිගත කල වසරේ සිට පිට පිටම අවුරුදු 3ක් ලංකාවේ ජනප්‍රියම ගීත දර්ශකයේ පලමු තැන ගන්නට සමත් උණා ..එම ගීතය තමා මේ දශක ගනනාවක් පුරා හා ඉදිරියට රසික හදවත් පිනවන්නෙ මෙම තනු දෙකම ආසන්න වශයෙන් සමාන තනු දෙකක්.. පලවන හා දෙවන ගීතය අතර ලය වෙනස නිසා අලුත් ගීතයේ අරුත දෙගුන තෙගුන වෙලා තියනවා...

මෙම ගීතය ප්‍රථම ප්‍රේමයෙන් වෙලී සිටි යුගලක් වෙන්ව යන මොහොතේ ඇතිවන චිත්තවේග අනුසාරයෙන් නිර්මාණය වූ ගීතයක්.මුලු ගීතයම රචනා වී තිබෙන්නේ පරිසරය අනුසාරයෙන් .. ඒක නිසා තමා මේ ගීතය හදවත් වලට කිඳා බැහැලා තියෙන්නේ.... රචකයා ප්‍රේමවන්තයාට ආරූඪ වී රචනා කරන ලද්දක්.. ගුණදාස කපුගේ ගායන ශිල්පියාගේ ඒ ගැඹුරු හඬ විලාශයෙන් ගීතය වර්ණවත් වෙලා තිබෙනවා ...

1. නින්ද නැති රැයේ..සඳ කඳුළු මීදුමේ ..
2. හැංගිලා හඬන්නෙ ඇයිද ප්‍රථම ප්‍රේමයේ ....
3. තාරුකා දියේ ගිලී..නිල් එලිය නිවේ...
4. වැහි බිංදු වැටේවී..රෝස පෙති කඩා හැලේ ...

එදා වැසි බර දිනයක්. වැසි බර දිනයේ පරිසරයේ සිදුවන වෙනස්වීම් ගැන තමා මේ රචකයා කියන්න උත්සාහ කරන්නෙ... නමුත් අපට නොදැනීම එම පරිසරයේ වෙනස්කම් ප්‍රථම ප්‍රේමයෙන් වෙන්වයෑමට වෙර දරන පෙම්වතියක් තුල ඇතිවන වෙනස්කම් වලට උපමාවක් කිරීමට රචකයා සමත් වෙනවා...

(1 හා 2 පද පේලි ) නින්ද නැති පාලු මූසල රාත්‍රියකි මේ... සඳ මීදුමට මුවාවෙලා ඉන්නවා...හැංගිලා... මේ වැහි බිංදු පොලවට වැටෙනා විට , පෙම්වතා අහනවා' ඇයි සඳ මේ ප්‍රථම ප්‍රේමයේදී හැංගිලා අඩන්නෙ...' රචකයා පවසන ආකාරයට අහසින් වැටෙනා වැහි බිංදු සඳ හඩනා විට වැගිරෙන කදුලු වේ. .. සඳ නැමැති ඔබෙ වත කඳුළු නැමැති මීදුමේ සැගවිලා හැංගිලා අඩන්නේ ඇයි කියලා තමා මේ ප්‍රේමවන්තයා පෙම්වතියගෙන් අහන්නෙ...'සඳ' යන වචනයෙන් පෙම්වතියගේ මුහුණේ සුන්දරත්වය වර්ණණා කරන්න පෙම්වතා අමතක කරන්නේ නෑ.. මොකද පෙම්වතාට අවශ්‍ය පෙම්වතියව සිනා මුවින් තබාගන්න...(මෙහිදී' සඳ කඳුළු මීදුමේ හැංගිලා ප්‍රථම ප්‍රේමය හඩනවා' යැයි ද සමහරෙකුට විස්තර කල හැක..එවිට චිත්තරූපය මදක් වෙනස් වේ )සංගීතය ගැන කතා කලොත් , වැහි බිංදු වැටේවී.. යන පදය අවසන් වන අවස්ථාවේ වැසි බින්දු වැටීම සංගීතය තුලින් අපූරුවට නිර්මාණය වී තිබෙනවා .

(3 හා 4 පද පේලි) මේ දෙදෙනා සිටින්නේ දිය කඩිත්තක් අභියසය ..සමහර විට කලින් හමුවී ඇති ස්ථානයන විය යුතුයි....මේ දෙදෙනා බලා සිටිනා විට දිය කඩිත්තේ නිසල බව තුලින් පෙනෙන තාරුකා වැසි බින්දු වැටීම නිසා දියේ ගිලී ,නිල් එලිය නිවී යන ආකාරය දකිනවා. . මෙය ,පෙම්වතිය හඩනාවිට තමාට සිසිල දුන් නිල් තාරුකා එලියක් මෙන් වූ දෙනුවණ කඳුළු දියේ ගිලී ප්‍රබෝදමත් භාවය නැතිවී යෑමට උපමා කර තිබෙනවා... වැසි බිංදු කඩා හැලෙනා අතර තුර රෝස මල් වල පෙති උඩට වැටෙනා වැසි බිංදු බර වැඩි කමට ,රෝස පෙති බිමට කඩා හැලෙනවා .මෙය පෙම්වතියගේ කඳුළු දෙකොපුල් දිගේ ගලාවිත් රෝස වන් වූ දෙතොල් පෙති මතට වැටී මලානික වන සිදුවීමක් සිතේ මවනවා... මෙහිදී ' රෝස පෙති කඩා හැලේ..' යන පදයෙන් මේ කදුලු ඔබට බර වැඩී .. මේ කදුලු වලට ඔබ සුදුසු නෑ යන අදහසකුත් ගම්‍ය වෙනවා..

මෙම පේලි සතරෙන් පෙම්වතියගේ වත ගැන සම්පූර්ණ චිත්‍රයක් රසිකයාගේ සිතේ මැවීමට දක්ෂ පද රචනය සමත්වෙලා තිබෙනවා...

5. කිලිපොලා සැලී යමින් නොහිම් සීතලේ ..
6. තුරුලු වෙමි දෙනෙත් පියා ඔබගෙ උණුසුමේ ...

(5 හා 6 පද පේලි) එලිමහනේ දොල ලග සිටින මේ දෙදෙනා දැන් වැස්සට තෙමෙනවා.. ඇඟ කිලිපොලා යනතරම් සීතලක් දැනෙනවා.. මේ දෙදෙනාගේ ප්‍රේමය අවසන් කොට වෙන්වයන තීරණාත්මක අවස්ථාව කෙමෙන් කෙමෙන් ලංවන නිසා.. සීතල වැඩිපුර දැනෙනවා... මෙම 5 පේලියේ සැගවුණු අරුතක් ඇත..' නොහිම් සීතලේ' .. යන පදයෙන් 'නොහිම් දුකක් ඇතිවෙනව' යන අදහස ඇතිවෙනවා.. නමුත් එය පෙම්වතියට අගවන්නේ 'සීතලයි' යනුවෙන්. එය ගායකයාගේ කටහඩින් ගම්‍ය වේ.. සීතල නිසා නැත්නම් ඊටත් වඩා දුක නිසා..පෙම්වතා දෙනෙත් පියාගෙන පෙම්වතියගේ උණුසුමේ තුරුලු වෙනවා..( ටිකක් හිතල බලන්න මේ වගේ අවස්ථාවක පෙම්වතෙක් තම පෙම්වතියට තුරුළු වන්නේ.. කෙටිකාලීන් සීතල නිසාමද?..නෑ පෙම්වතා සීතලයි කියා බොරු හේතුවක් හදාගෙන දුක වෙනුවට.. මොකද පෙම්වතියට ඇගෙව්වොත් දුකයි කියා , වෙන්වයන අවසාන මොහොත ටිකක් අමාරු වෙන නිසා... නමුත් වැස්සට තෙමුණු නිසා සැබෑ සීතලත් දැනෙන්නට ඇති..) කලින් කිව් ආකාරයට මේ කියන්නේ දුක සීතලක් නම් දුක ඔබගේ උණුසුම නිසා තුනී වෙනවා කියා නොවේද... මෙම පද පේලි දෙක නිසා අතිශය සංවේදී බවක් නැත්නම් විරහ වේදනාවක් රසිකයාගේ සිත තුල ජනිත කිරීමට රචකයා සමත් වෙනවා..

7. ජීවිතය ඉතින් අපේ.. සිහිනයක් නොවේ
8. හෙට උදේම අවදි වී යා යුතුව තිබේ ..

(7 හා 8 පද පේලි) මේ පද පේලි දෙකෙන් සමාජයට මහත් වූ පණිවිඩයක් ලබා දෙනවා. ' මේ අවස්ථාව අපි රෑ මැදියම දුටුව සිහිනයක්..ඒ උණාට සිහිනයක් උණාට අපේ ජීවිතය සිහිනයක් නොවෙයි... හෙට උදේම මේ සිහිනයෙන් අවදි වෙලා අපි යන්න ඕනෙ' ..එනම් පෙම්වතා පෙම්වතියට කියනවා ' මේක ජීවිතේ දැක්ක අනෙක් සිහින මෙන් නපුරු සිහිනයක් මෙන් හිතලා අත ඇරලා දාන්න.. ජීවිතය කියන්නේ එක් නපුරු සිහිනයකට නෙවෙයි.. ' ' හෙට උදේම අවදි වී යා යුතුව තිබේ' යන පදයෙන් සිහිනය ඉවර උන ගමන් එනම් හෙට උදේ අවදි වූ ගමන් තවදුරටත් ජීවිතය ගෙවන්න සිදුවෙනවා.. කියන අදහස ලබාදෙනවා ..(9 පද පේලියෙන් පැහැදිලි වේ)මෙතනදී විශේෂයෙන්ම ලබා දෙන පණිවිඩය තමා මුලු ජීවිතයම කියන්නේ මේ වගේ එක් අවස්ථාවක් නෙවේ... මේක අමතක කරන්න කියාය.මේ වගේ සුළු සිද්ධි වලට ගෙල වැලලා ගන්නා තරුණ තරුණියන්ට ඉතා හොද පාඩමක් නොවේද....

9. රැය ගෙවේ සඳත් නිවේ ..දුරයි ජීවිතේ ..
10. ඉතින් අවසරයි මගේ පුංචි කුමරියේ ..

(9 පද පේලිය) රැයගෙවෙනවා සඳ බැස යනවා... අපිට ජීවිතේ තව දුර යන්න ඇති බව පෙම්වතාට ආවේශ වූ රචකයා පවසනවා. 'රැය ' යන වචනයෙන් මෙම අදුරු සිදුවීම නිරූපනය කරනවා. (10 පද පේලිය) පෙම්වතා පෙම්වතියව ආමන්ත්‍රණය කර අහනවා මට යන්න අවසරද කියලා.. මෙහි ' පුංචි කුමරියේ ' යනුවෙන් ආමන්ත්‍රණය කිරීමෙන් හා ගායන විලාශයෙන් පෙම්වතියට ඇති ආදරය ගැන වැටහීමක් ලබාගන්න පුලුවන්.

11. කටු වලට දෙතොල් තබා මලක් නැති ගසේ...
12. සිඹිමි එකම හාදුවයි සොදුර ඒ මගේ ...

මෙම පද පේලි දෙකෙන් පෙම්වතියට අනාගතය සාර්ථක වෙන්න යැයි සුභ පතනවා.එනම් මලක් නැති ගසේ මලක් පීදේවා යන ප්‍රාර්ථනය ..මෙම පද පේලි දෙක විවිධ ආකාරයක තේරුම් ගොඩක් ඇති එනම් බහු අර්ථ පද පෙලක්.. ' ඔබේ සිතේ මලක් පීදිලා නෑ...මගේ ප්‍රේමය මලක් පීදෙන්න තරම් ලොකු එකක් නෙවේ..කටු පමණයි . ..නමුත් ඔබට මලක් පීදෙන්න තරම් සෙනෙහසක් කාගෙන් හෝ ලැබේවා' කියන ප්‍රාර්ථනය තමා මේ කරන්නෙ... තවකෙකුට ' ඔබේ ජීවිතේ සාර්ථක නෑ..එම සාර්ථකත්වය නම් මල කටු පමණක් ඇති ගසේ පීදේවා' යන ප්‍රාර්ථනයද.. අනෙකාට .. මල දරුවෙකුට සමාන කරන්න පුලුවන් ..එනම් ' දරුවෙකු නැති ඔබට දරුවන් හදා සතුටින් ජීවත්වීමේ වාසනාව ලැබේවා' ..යන ප්‍රාර්ථනයද ... රස විදින්න පුලුවන්. ඔබේ මනසට අනුව කැමති අර්ථයක් ....

අදහස් දෙකටම පොදු ලෙස...' කටු වලට දෙතොල් තබා' යන පේලියෙන් වෙන්වයෑමට ඇති අසීරුතාව පෙන්නුම් කරනවා... ' සිඹිමි එකම හාදුවයි ...' යන පදයෙන් මේ තමා මගේ එකම ප්‍රාර්ථනය ඒක බව කියා සිටිනවා...

ආනන්දය නැත්නම් වින්දනයෙන් ආරම්භ වී ප්‍රඥාවෙන් අවසන් වන හොඳ ගීතයක්.

 

 

facebook සටහන උදේශිකා සත්සරණී බුලත්සිංහලගේ 


COMMENTS

BTS තවත් වාර්තාවක් පිහිටුවයි....
 Tuesday 12th February 2019 12:29:30
සුපිරි දකුණු කොරියානු පොප් ගායක කණ්ඩායමක් වන බී.ටී.එස්. තවත් වාර්තාවක් පිහිටුවා තිබේ. ඒ ඊයේ අමෙරිකාවේ ලොස් ඇන්ජලීස් නුවර පැවති ග්‍රැමී ...
Read More
අතිඋත්කර්ෂවත් ග්‍රැමී සම්මාන උලෙළ ලොස් ඇන්ජලීස්හිදී....(PHOTOS)
 Monday 11th February 2019 13:50:22
61 වැනි ග්‍රැමී සම්මාන උලෙළ අද අමෙරිකාවේ ලොස් ඇන්ජලීස් නුවරදී අතිඋත්කර්ෂවත් ලෙස පැවැත්විණ. මෙවර සම්මාන උළෙලේ හොඳම පොප් ඇල්බමයට හිමි සම්...
Read More
‘තාල’ අද සිට දිවයින පුරා සිනමා ශාලාවල…
 Thursday 31st January 2019 13:02:18
 M Entertainment ඉදිරිපත් කරන නවතම චිත්‍රපටය ‘තාල’ අද සිට දිවයින පුරා සිනමා ශාලාවල ප්‍රදර්ශනය කෙරේ. තාල චිත්‍රපටයට ත...
Read More

RAW News is a Sri Lankan online news website with rich content of Sri Lankan and world news. 24 Hours sinhala news updates - breaking news from Sri Lanka. The exclusive Sri Lankan online news around the breaking news in local, international, world, politics, sports, entertainment, hot gossip lanka news, world gossip and event photos. We provide Sri Lanka news, update throughout the day, include Sri Lanka news papers and news/gossip web sites. The premium exclusive Sri Lankan Online News Network providing around the clock breaking news in local, international, world, politics, sports, entertainment, hot gossip, event photos and Videos. We provide Sri Lanka news, Latest News updates and information, Sri Lanka Business News, Breaking news and updates, celibrity Gossip , Sri Lanka cricket news, Business and finance news, A collection of news items from many sources, Stock Market News and Discussions, Balanced Independent news provider, Breaking Hot News from Sri Lanka, Entertainment hot gossip update throughout the day, include Sri Lanka news paper articles written in Sinhala and English Language like lankadeepa, lakbima, rivira, adaderana, nethfm, mawbima, divaina, hirunews, hiru gossip, dinamina, sundayleader, dailymirror, srilankamirror, dailynews, newsfirst, lankacnews. lankadeepa newsfirst lankacnews