X

Print

LATEST NEWS

තෙල් සංස්ථා සිදුවීමට රිමාන්ඩ් කළ නාගරික මන්ත්‍රීට අැප.... ජනපතිගේ නිල සංචාරයට විපක්ෂයේ මන්ත්‍රීවරුන් 8ක් එක්වෙති.... ඇතැමුන් රජයට පහර දීමට කටයුතු කරනවා.... සේනා කුරක්කන් වගාවටත් පැතිරෙයි... විග්නේශ්වරන් හා උතුරු ආණ්ඩුකාරවරයා අතර හමුවක්.... ''අපිට තියෙන්නේ රට සංවර්ධනයට බැරිකම නෙමෙයි, ඕනකමක් නැතිකම'' - රවි කරුණානායක අධිවේගයේ සුඛෝපභෝගී බස් රථ සේවකයින් වැඩ වර්ජනයක... ජනාධිපති නීතිඥවරු 25 ක් ශ්‍රේෂ්ඨාධිකරණයේ දිවුරුම් දෙයි... හොරු අල්ලන්න මමත් ජනපතිට සහය වෙනවා.... සබරගමුව නව ආණ්ඩුකාරවරයා වැඩ අරඹයි... රාජ්‍ය විශ්ව විද්‍යාල සදහා නව පාඨමාලා 02 ක් .... "අපි නම් වැඩ කළා මිසක් බෙර ගගහා කෑ ගැහුවේ නැහැ" - අගමැති පළාත් සභා මැතිවරණය පැරණි ක්‍රමයට පවත්වන්න... මහින්ද රාජපක්ෂ අද විපක්ෂ නායක කාර්යාලයේ රාජකාරී අරඹයි.... ධීවර අංශයේ අපනයන්ගෙන් ශ්‍රී ලංකාව පළමු තැනට....

 

add

 

" බඩුව, ගණිකාව වගේම කියන්නවත් බැරි වචනවලින් මාව විවේචනය කරලා තිබ්බා " ගිහානිගෙන් කනේ පහරක් !!


Views - 2733 |Thursday 10th May 2018 12:03:55


ගිහානි වීරසිංහ කියන නම පසුගිය දවස් ටිකේම නිතර නිතර කතාබහට ලක්වුණා.
ඒ පොදු රාජ්‍ය මණ්ඩලීය සමුළුවට රජයේ වියදමින් ඇයත් සහභාගීවුණා කියන සිද්ධියත් සමග.
මේ හැමදේම ගැන ගිහානි සතිඅන්ත පුවත්පතකට මේ විදිහට කියලා තිබුණා.

ගිහානි දැන් කතා බහට ලක්වෙන චරිතයක් වෙලා?

ඔව්. එහෙම කතා බහට ලක්වෙලා. පොදු රාජ්‍ය මණ්ඩලීය රාජ්‍ය නායක සමුළුවට සමගාමීව තිබ්බ ආර්ථික සැසිවාරයට අපි සහභාගි වුණා. අපේ පෞද්ගලික ආයතනයක් නියෝජනය කරමින් තමයි මම සහභාගි වුණේ. ඒ හරහා තමයි මේ ඔක්කොම කතා පටන් ගත්තේ.

ඔබ එතැන හිටපු අය අතරින් කැපී පෙනෙන චරිතයක් වුණා නේද?

ඔව්. මම එතැන කැපිලා පේන්න ඇති. ඒක තමයි මෙහෙම වුණේ.

ඒ අවස්ථාවට ඔබ සහභාගි වුණ විදිහ ගැන විවිධ චෝදනා එල්ල වෙලා තියෙනවා?

මම රජය නියෝජනය කරමින් ඒ අවස්ථාවට ගියා කියනවා. නමුත් මම රජයක් නියෝජනය කරමින් එතැනට ගියේ නැහැ. ජනාධිපතිතුමා එක්ක ගිය කණ්ඩායමට අපි ඇතුළත් වුණා කියන එකත් වැරැදියි. ලංකාවේ මිනිසුන්ගේ බදු මුදලින් අපිව යැව්වා කියන එකත් වැරැදියි. ජනාධිපතිතුමාගේ ආර්ථික උපදේශිකාව කියන පට්ටමකුත් මට නැහැ.
ආයෝජන දූතිකාව කියලා මට කියනවා. එහෙම පට්ටමකුත් මට නැහැ. අපි රජයේ මුදලින් ඒ සැසිවාරයට නොගිය බවටත් මට එවැනි තනතුරු නැති බවටත් මම ඔප්පු කරලා තියෙනවා. තවදුරටත් මට මඩ ගහනවා නම් ඒ උදවිය මට කරන චෝදනා හරි කියලා ඔප්පු කරලා පෙන්නන්න ඕන.

එතකොට ඔබ ඒ සැසිවාරයට සම්බන්ධ වුණේ රාජ්‍ය අනුග්‍රහයෙන් නෙමෙයිද?

අපි අපේ මුදල් සහ ආයෝජකයන්ගේ ආරාධනාවෙන් ඔවුන්ගේ අනුග්‍රහය මත තමයි මේ ගමන ගියේ. එහිදී ඒ ආයෝජකයන් ජනාධිපතිතුමාට මුණ ගස්වලා ආයෝජන ප්‍රවර්ධනය කිරීමයි සිදුකළේ. අපිට වගේම ලංකාවටත් ප්‍රතිලාභයක් එන කාර්යයක් තමයි අපි කළේ. අපේ මිනිසුන්ගේ නොදැනුවත්කම නිසා තමයි විවිධ දේවල් කියමින් මට මඩ ගැහුවේ. මට කළ චෝදනා වැරැදියි කියලා ඔප්පු කළාම දැන් සිද්ධ වෙන්නේ මගේ ගැහැනුකම අල්ලගෙන රටේ ජනාධිපති අල්ලගෙන මම අඳින පලඳින විදිය ගැන අල්ලගෙන පුළුවන් තරම් සමාජ ජාලා මගේ චරිතය විනාශ කරන එක.

එතකොට ඔබ නියෝජනය කළ ආයතනයට ඔබ සම්බන්ධ වෙන්නේ මොන පදනමෙන්ද?

ඒ ආයතනයේ සභාපති ධුරය දරන්නේ මගේ සැමියා. සැමියා මාව පත් කරනවා මහජන නියෝජිතවරියක් හැටියට. ඔය සමහරු කියන රජයේ තනතුරු ටික හොබවන්න මට සුදුසුකම් නොතිබ්බට අපේ ආයතනයේ මාව පත් කළ තනතුර හොබවන්න සුදුසුකම මට තියෙනවා. ඒ හරහා තමයි මම සැමියා එක්ක ඒ අවස්ථාවට සහභාගි වෙන්නේ.

ඒ සුදුසුකම් මොනවාද කියලා කියන්න ඔබ අකැමැති නැතුව ඇති?

අකැමැත්තක් නැහැ. නමුත් වැඩකුත් නෑ ඕවා කියන්න. මම මාධ්‍ය ක්‍ෂේත්‍රයේ අලෙවිකරණ අංශයේ අවුරුදු හතරක් රැකියාව කරලා තියෙනවා. ඒ සුදුසුකම යටතේ රැකියාවක් තමයි මම කරන්නේ. මට හොඳ අන්තර් පුද්ගල සබඳතාවක් තියෙනවා. මම රජයේ රැකියාවකට තීන්දු බඳින්න ඕනේ නැහැ. නමුත් මට තියෙන සුදුසුකම් එක්ක තමයි අපේ ආයතනයේ කාර්යභාරය කරන්නේ.

ගිහානි අඳින පලඳින විදිය ගැනත් විවේචන පළවෙලා තිබ්බා?

මගේ ඇඳුමෙන්නේ සමහරු මට චරිත සහතික දෙන්නේ. මම අඳින පලඳින විදියෙන් එයාලා කොහොමද මගේ හැසිරීම, ලිංගිකත්වය ගැන චරිත සහතික දෙන්නේ. බඩුව, ගණිකාව වගේම කියන්නවත් බැරි වචනවලින් මාව විවේචනය කරලා තිබ්බා. මම ගණිකාවන් ප්‍රමෝට් කරන්නේ නෑ. ගණිකාවක් වෙන්න කාටවත් ඉඩ දෙන්නෙත් නෑ. තමන්ගේ ඇඟ විකුණනවට වඩා කාන්තාවකගේ බුද්ධිමත්කම දක්‍ෂතාව විකුණලා තැනකට එන්න කියලා කාන්තාවකට අපි කියන්නේ. මගේ අතේ කිසිම වරදක් නැතුව මාව තළලා පෙළලා දාන එක කොච්චර අසාධාරණද? මුළු ලංකාවක් එකතු වෙලා නින්දිත විදිහට ගැහැනියක්ව තළලා පෙළලා දාන්න හදනවා.

ඔබට මේ පළ කිරීම් කොයි තරම් බලපෑම්කාරී වුණාද?

මේ වගේ පළ කිරීම් නිසා කොච්චර තරුණ තරුණියෝ සියදිවි හානිකර ගන්නවාද? ශක්තිමත් නැති කෙනෙක්ට මේ වගේ මඩ ගැහුවා නම් අනිවාර්යෙන්ම සියදිවි හානිකර ගනියි. හැමෝම මට කියනවා. “නිහඬ වෙන්න, ඒක හැමෝටම අමතක වෙලා යයි, ඔහොම තමයි ලංකාවේ මිනිස්සු” කියලා. නමුත් මම නිහඬ වෙන්නේ නැහැ. මේක අයුක්තියක්, අසාධාරණයක්. මේ වගේ වෙලාවට හිස නමලා ඉන්නවට වඩා හොඳයි මැරෙන එක. මම මේ දේ වෙනුවෙන් සටන් කරනවා.

ඔබේ චරිතය ඉලක්ක කරගෙන විවිධ පළ කිරීම් කරද්දී සැමියා මොන වගේ ප්‍රතිචාරයක් ද දැක්වූවේ?

මම ඒ ගමන ගියේ සැමියා එක්ක. මම ගිය තැන්, කාපු බීපු තැන්වල හිටියේ ඔහු එක්ක. ඔහුත් ඉන්න ඡායාරූප තමයි ඔහුව කපලා මාව හයිලයිට් වෙන විදිහට දැම්මේ. ජනාධිපතිතුමා වගේම ඇමැතිවරු එක්ක ගත්ත ඡායාරූපවලත් සැමියා හිටියා. එතැන තව බොහෝ ගැහැනු අය ඡායාරූප ගත්තා. ඒ ඡායාරූප නැතුව මගේ ඡායාරූපය තමයි ෆේස්බුක් එකෙන් අරගෙන මඩ ගැහුවේ. ඒ පළ කරන පෝස්ට් දකිද්දී සැමියාටයි මටයි හිනා යනවා. ඔය පෝස්ට් හදන තරුණ ළමයි යන තැන ගැන අපිට තියෙන්නේ වේදනාවක්. අසභ්‍ය පළ කිරීම් නොකර අසභ්‍ය දේවල් හිතන්නේ නැතුව අලුත් නිපැයුමක් ගැන හිතුවා නම් එයාලා තව ඉස්සරහට යයි. ඔවුන්ට කියන්න තියෙන්නේ පක්‍ෂවල අතකොළුවක් නොවී තමන්ගේ සංවර්ධනය ගැන හිතන්න කියලා.

සමාජ මාධ්‍ය ඔස්සේ ඔබට මේ විදියට අපහාසයක් වුණා නම් ඒ වෙනුවෙන් ක්‍රියාමාර්ගයක් ගත්තද?

නීතිඥයන් එක්ක අපි කතා කළාම පේජ් සහ පෝස්ට් හදන අයව හඳුනා ගැනීමේ ප්‍රශ්නයක් තියෙනවා. ඒ වෙනුවෙන් සමාජ ක්‍රියාකාරී සංගම් හෝ රජය මැදිහත් වී හරි ක්‍රියාමාර්ගයක් ගන්න ඕන. නමුත් පෞද්ගලික ගිණුම්වලින් අපිට මඩ ප්‍රහාර එල්ල කරද්දී ඒ අය වෙනුවෙන් අනිවාර්යයෙන්ම නීතිමය ක්‍රියාමාර්ගයක් ගන්නවා. මොකද ඔවුන්ට කිසිම සදාචාරාත්මක අයිතියක් නැහැ මඩ ප්‍රචාර කරන්න. ඒ නිසා තවුසන් ටෝක් දෙන අයට විරුද්ධව නීතිමය ක්‍රියාමාර්ගයක් ගන්නවා.

ඔබ වෙනුවෙන් ජනප්‍රිය චරිත සමාජ මාධ්‍ය ඔස්සේ අදහස් පළ කරලා තිබ්බා නේද?

ඔව්. නදී වාසලමුදලි වගේ බොහෝ බුද්ධිමත් ජනතාව මං වෙනුවෙන් හරිම ලස්සනට අදහස් පළ කරලා තිබ්බා. ඒ පෝස්ට්වලින් තිත්ත ඇත්ත හැමෝටම ලස්සනට පැහැදිලි කරලා තිබ්බා.

රංගන ශිල්පිනියක් වුණ ඔබට මේ ප්‍රචාර හරහා වැඩ වැඩි වුණාලු නේද?

දැන් ප්‍රධාන චරිතවලට කතා කරනවා. මියුසික් වීඩියෝවලට කතා කරනවා. ප්‍රතිලාභ වැඩියි. මම ඡන්දය ඉල්ලුවා නම් මේ පබ්ලිසිටි මිලියන පහක හයක කැම්පේන් එකකටවත් කරන්න පුළුවන් වැඩක් නෙමෙයි.

අලුත් නිර්මාණවලට සම්බන්ධ වුණාද?

මට ඉන්දියාවෙන් චිත්‍රපටයකට ආරාධනා ලැබුණා. මම ඒ සඳහා තව සති දෙකකින් විතර කල්කටා යනවා. ආන්යා කියන ටෙලි නාට්‍යයේ මම ප්‍රධාන චරිතයක් කරන්නේ. එය අධ්‍යක්‍ෂණය කරන්නේ තිළිණ බොරලැස්ස. මගේ සැමියා තමයි එය නිෂ්පාදනය කළේ. ඒක ලස්සන කතාවක්. සේපාල ඒකනායකගේ කතාදාමය මුල්කරගත් චිත්‍රපටයකටත් ආරාධනා ලැබිලා තියෙනවා. මට එහි නිරූපණය කරන්න තිබෙන්නේ ප්‍රධාන චරිතයක්.

 

උපුටා ගැනීමකි 


COMMENTS

ක්‍රිටික්ස් චොයිස් සම්මාන උළෙලේදී රෝමා චිත්‍රපටය වැඩිම සම්මාන සංඛ්‍යාවක් දිනා ගනී.....
 Wednesday 16th January 2019 13:22:46
මෙවර අමෙරිකාවේ ක්‍රිටික්ස් චොයිස් සම්මාන උළෙලේ වැඩිම සම්මාන සංඛ්‍යාවක් දිනා ගැනීමට ඇල්ෆොන්සෝ කුරෝන්ගේ රෝමා චිත්‍රපටය සමත් විය. ...
Read More
වන්නිලා ඇත්තෝ පවා පුදුමයට පත් කරමින් තරුණියක් ගායනා කල අපූරු බඹර කවිය (VIDEO)
 Thursday 3rd January 2019 20:30:16
ප්‍රවීණ මාධ්‍යවේදී සීලරත්න සෙනරත් මහතාගේ මාධ්‍ය ජිවිතයට 40 වසරක් පිරීම නිමිත්තෙන් "මට දැන් 40යි "නමින් කෘතියක් පසු ගියදා එලි දැක් වුණා .එහි ප්‍රධාන ...
Read More
නව වසරේ උදාව ලොව පුරා ජනතාව සැමරූ අපූර්වත්වය මෙන්න.....
 Tuesday 1st January 2019 17:02:13
 උදාවූ 2019 නව වසර සකළ ලෝකවාසීන් පිළිගත් ආකාරයයි මේ.. ...
Read More
ආසියාවේ ධනවතා වන ඉන්දීය ව්‍යාපාරික මුකේෂ් අම්බානිගේ දියණිය වන ඊෂා අම්බානිගේ විවාහයේ නර්තන අධ්‍යක්ෂණය ලාංකිකයෙකුට.....
 Thursday 13th December 2018 15:47:13
  ආසියාවේ ධනවතා වන ඉන්දීය ව්‍යාපාරික මුකේෂ් අම්බානිගේ දියණිය වන ඊෂා අම්බානිගේ විවාහය ඊයේ මුම්බායි නුවරදී ඉන්දීය සුපිරි තරු රැසක...
Read More
කටට කෙළ උනන චොකලට් විලාසිතා  -  Photos 
 Wednesday 7th November 2018 15:16:59
චොකලට්වලින් සකසන ලද ඇඳුම් නිර්මාණ ඇතුලත් විලාසිතා දැක්මක් ප්‍රංශයේ පැරිස් නුවරදී පැවැත්වුණා.  පැරිස් චොකලට් ප්‍රදර්ශනයට සමගාමිව එය සංව...
Read More

RAW News is a Sri Lankan online news website with rich content of Sri Lankan and world news. 24 Hours sinhala news updates - breaking news from Sri Lanka. The exclusive Sri Lankan online news around the breaking news in local, international, world, politics, sports, entertainment, hot gossip lanka news, world gossip and event photos. We provide Sri Lanka news, update throughout the day, include Sri Lanka news papers and news/gossip web sites. The premium exclusive Sri Lankan Online News Network providing around the clock breaking news in local, international, world, politics, sports, entertainment, hot gossip, event photos and Videos. We provide Sri Lanka news, Latest News updates and information, Sri Lanka Business News, Breaking news and updates, celibrity Gossip , Sri Lanka cricket news, Business and finance news, A collection of news items from many sources, Stock Market News and Discussions, Balanced Independent news provider, Breaking Hot News from Sri Lanka, Entertainment hot gossip update throughout the day, include Sri Lanka news paper articles written in Sinhala and English Language like lankadeepa, lakbima, rivira, adaderana, nethfm, mawbima, divaina, hirunews, hiru gossip, dinamina, sundayleader, dailymirror, srilankamirror, dailynews, newsfirst, lankacnews. lankadeepa newsfirst lankacnews